Една млада девојка, Грета Тунберг, го обиколи светот со алармот за климатските промени и еколошката политика и сите и ја отворија вратата. Сега дојде време и ние да ги прифатиме овие политики, за една зелена, безбедна, развиена и здрава иднина.“ Ова се зборовите на Али Ахмети со кои пред два дена објави дека ДУИ стана зелена партија.

Дали со тоа и нив ќе им се отворат сите врати,  дебатираме со Лилјана Поповска, една од основачите на партијата ДОМ; единствената која е дел и од Европските зелени партии, сега во политичка пензија, но и натаму еколошки активист. Со Зоран Димитровски, генерален секретар на Демократскиот сојуз и заменик министер за локална самопуправа и Сефер Селими, од невладината Демокраси лаб.