Работнички продолжува со фантастичната форма оваа пролет. Денеска ја запиша четвртата победа по ред откако славеше на тешкото гостување кај Струга.

Јован Попзлатанов реализираше за гостите од Скопје за 0-1 во 14-тата минута. Христијан Малески донесе израмнување за стружани во 49-тата минута од пенал, а победничкиот гол за Работнички беше дело на Аритон Мехмед во 85-тата минута.

„Романтичарите“ од сериозен кандидат за Втората лига во есенскиот дел, кога имаа само еден триумф, во втората полусезона ја запишаа шестата победа и се на добар пат да ја напуштат опасната зона.

ОСТАНАТИ НАТПРЕВАРИ
ВАРДАР                      – МАКЕДОНИЈА ЃП             5-1
ШКЕНДИЈА                – ПЕЛИСТЕР                         1-2
БРЕРА                         – АРСИМИ                              2-1
СИЛЕКС                     – ШКУПИ                                6-0
БАШКИМИ                – ТИКВЕШ                              2-2

Фото: ФФМ