За т.н. „брзи“ кредити граѓаните и фирмите до крајот на минатата година должеле сума од 207,5 милиони евра. Задолжувањето со овој тип кредити расте со забрзано темпо, односно за една година бележи зголемување од 20,3 отсто. Но, Министерството за финансии објави дека дел од финансиските друштва во Македонија користеле измамнички трговски практики, односно иако на клиентите им посочувале дека кредитите се со 0% камата, сепак имало скриени трошоци. Од Министерството за финансии не обелоденија за кои финансиски друштва станува збор, но наведоа дека им е посочено да ги испарават неправилностите што може да ги доведат граѓаните во заблуда. А, доколку тоа не го сторат, ќе следуваат казни.