Соединетите Американски Држави за време на разговорите во Исламабад бараа од Иран да се согласи на 20-годишен Мораториум за збогатување на ураниум, објави порталот Аксиос, повикувајќи се на добро информирани извори.

Според нив, Иран одговори на предлогот со значително пократок временски период, со „едноцифрен број на години“. Вашингтон, исто така, барал од Иран да го отстрани сиот збогатен ураниум од земјата додека Техеран наводно понудил „надзорен процес на намалување на збогатувањето“.

Несогласувањата околу нуклеарната програма остануваат главна пречка за договор меѓу двете страни.