Турција во шок. Нов крвав инцидент во турските училишта ја потресе денеска јавноста во државата, со уште потрагичен епилог од вчерашниот .

Турскиот министер за внатрешни работи, Мустафа Чифтчи, потврди дека 9 лица биле убиени а 13 се повредени, од кои шест се на интензивна нега, откако еден 14 годишен ученик од осмо одделение донел оружје од дома и отворил оган во две училници, што резултирало со масакр. Тројца од повредените се во критична состојба а напаѓачот бил убиен во престрелката со полицијата.

Осум од жртвите во грозморниот напад се ученици а една од жртвите е наставник во училиштето.

Според информациите на турските медиуми, претпоставките се дека оружјето му припаѓало таткото на убиецот, пензиониран полицаец. Напаѓачот го извел масовното убиство со пет огнени оружја и седум рамки со муниција, пренесоа медиумите.

Мотивот за нападот засега не е познат, но според турскиот министер за внатрешни работи, не станува збор за терористички чин.

Тоа што е најшокантно за турските граѓани е дека убиството во училиштето се случува само еден ден откако поранешен ученик отвори оган во средно училиште во друга турска провинција, при што беа ранети 16 лица а напаѓачот потоа извршил самоубиство.

„14-годишен ученик од осмо одделение донел оружје од дома и влегол во две училници во нашето училиште, отворајќи оган насекаде, што резултирало со масакр. Како резултат на овој инцидент, имаме девет жртви — осум ученици и еден наставник. Дополнително, 13 лица се повредени. Шест од повредените се на интензивна нега, а тројца се во критична состојба“ – изјави министерот за внатрешни работи на Турција, Мустафа Чифтчи.