Основниот кривичен суд во Скопје соопшти дека во истрагата за нелегални естетски операции за вкупно 19 осомничени се определени мерки за обезбедување, а 6-мина од нив добиле притвор.

-Од доставените 11 предлози за определување на мерка притвор, обвинителството, по сослушување на осомничените, за 2 лица го преиначи предлогот со барање за мерка куќен притвор, од кои, судот едниот го прифати, а другиот го одби и определи мерки на претпазливост, соопшти кривичниот суд.

Од останатите 9 предлози за притвор, судот уважил 6 барања, а одби 3 и на тие 3-ца осомничени им определи мерка куќен притвор.

-Збирно од оваа акција во која предложени беа и мерки на претпазливост, судот на 6 лица им определи ефективен притвор, на 4 куќен притвор и определени се мерки на претпазливост на 9 лица, велат од судот.

Според обвинителството, во текот на оваа година седуммина осомничени формирале две криминални групи, кон кои подоцна се приклучиле и останатите. Користеле фирми од Битола и Скопје како параван за незаконските активности, организирано набавувале фалсификувани медицински лекови и медицински помагала.  Набавките биле од Србија, Кореја и Турција и нелегално увезувани, а осомничен е и еден цариник.

Миомир Серафиновиќ

Се зголеми бројот на приведени за нелегалните филери и ботокси