Торнадо со ветрови од најмалку 190 км/ч го погоди малиот град Минерал Велс во Тексас, при што предизвика значителни материјални штети и повреди кај неколку жители.

Според официјалните информации, производствени објекти биле целосно уништени, додека на повеќе куќи им биле откорнати покривите. Надлежните служби сè уште ја проценуваат силата на торнадото и обемот на уништувањето, со цел да се утврдат сите последици од невремето.

Метеорологот од Националната метеоролошка служба, Алисон Пратер, изјави дека експертски тим работи на терен во Минерал Велс за да го анализира настанот што се случил во вторникот.

Локалните власти соопштија дека пет лица се повредени и се пренесени во болница, но, и покрај сериозните штети, нема загинати. Градоначалничката Реган Џонсон истакна дека е благодарна што ситуацијата не завршила со човечки жртви. Минерал Велс се наоѓа околу 80 милји западно од Далас.