Иранската новинска агенција Фарс објави дека две ракети погодиле американски воен брод во близина на островот Јаск, откако ги игнорирал повиците да запре. Агенцијата, повикувајќи се на локални извори, наведува дека по нападот, бродот се повлекол од подрачјето.

Висок американски претставник го демантираше извештајот дека брод на САД е погоден со ирански ракети во близина на Ормускиот Теснец, пренесува порталот Аксиос.

И американската Централна команда (CENTCOM) издаде соопштение дека „ниту еден брод на американската морнарица не е погоден“.