Едно лице загина, а седум се повредени во експлозија во фабрика на унгарската нафтена компанија МОЛ што се случи претпладнево.

„Дојде до експлозија за време на рестартирање на постројката Олефин 1 на локацијата МОЛ Петрохемија во Тисаујварош. Пожарот е локализиран, моментно во тек е интервенција. Инцидентот резултира со неколку тешко повредени и еден смртен исход. Стручњаците ги истражуваат причините за несреќата“, посочија од МОЛ.

МОЛ Петрохемија е хемиски центар на групацијата кој произведува етилен и пропилен, користејќи нафта и дизел масло кое потоа се преработува во полиетилен со ниска, средна и висока густина и полипропилен.

Полиетилен е најчест вид на пластика, додека полипропиленот има широк спектар на примена и се користи во технологијата на пакување, во текстилната индустрија, во производството на канцелариски материјал, за лабораториски и автомобилски опреми, итн.

Фото: agronaut/X

#Hungary: One person has died and seven others suffered serious burns after an explosion at Mol Petrolkémia’s facility in Tiszaújváros, eastern Hungary, during the restart of its Olefin-1 plant.

Hungary’s largest energy company, Mol Nyrt, and Hungarian Prime Minister Peter… pic.twitter.com/Do5gThkJz9

— Wolverine Update (@W0lverineupdate) May 22, 2026