Метална конструкција од автобуска постојка паднала врз 12-годишно дете во Србија.

Белградските медиуми јавуваат дека несреќата се случила во Младеновац кога момчето се држело за конструкцијата, која потоа паднала врз него.

Синоќа, момчето е примено во Детската болница во Белград со исклучително тешки повреди, пишува „Телеграф.рс“.

Според првичните информации, момчето е во критична состојба, а лекарите се борат за неговиот живот откако целата конструкција на автобуската постојка паднала врз него.

• „Во еден момент, момчето се држело за конструкцијата на постојката. Во следната секунда, масивната конструкција целосно попуштила и се урнала директно врз детето“, според очевидци кои биле на местото на настанот.

Дванаесетгодишното момче Д. С. од селото Пружатовац било тешко повредено синоќа во Младеновац кога врз него се сруши метална конструкција од автобуска станица.

Тешката несреќа се случила околу 23:30 часот. Мајката на повредениот Д. С. за српските медиуми потврди дека момчето во моментов е стабилно, но дека има сериозни повреди.