Шпанија славеше убедлива победа од 4-0 против Саудиска Арабија во рамки на второто коло од групата Х на Светското фудбалско првенство.

По киксот и ремито без голови против Зеленортски Острови во првото коло, европскиот шампион денеска доминираше во Атланта и го реши победникот уште во првото полувреме.

Резултатот го отвори Ламин Јамал во 10-тата минута по асистенција на Микел Ојарзабал. Токму напаѓачот на Реал Сосиедад потоа постигна два гола во период од само три минути, од 21-та до 24-тата, за убедливи 3-0.

Конечниот резултат беше поставен на стартот од второто полувреме, кога дефанзивецот на Саудиска Арабија, Хасан Тамбакти, си постигна автогол во 49-тата минута.

Головите можете да ги погледнете ТУКА.