Разговорите во Швајцарија постигнаа „охрабрувачки напредок“, рекоа медијаторите, откако преговорите изгледаа неизвесни по коментарите на Трамп..

Министерот за надворешни работи на Иран изјави дека санкциите за нафтата на неговата земја се откажани и дека дел од замрзнатите средства се ослободени.  Абас Арагчи, исто така, рече дека е започнат „план за реконструкција и развој“, објави Си-Ен-Ен.

Договорено е исто така да се  формира Комитет на високо ниво за надгледување на медијацијата и „комуникациска линија“ за Ормутскиот теснец.

Разговорите претходно беа во застој кога претседателот Доналд Трамп го налути главниот преговарач на Иран . Трамп изјави за Фокс њуз дека САД би можеле да продолжат со бомбардирањето на Иран и да го „преземат“ теснецот доколку не се постигне договор.

 САД и Иран се согласија да создадат „деконфликтна зона“, олесната од Катар и Пакистан за да се обезбеди крај на воените операции во Либан, според медијаторите.

Борбите меѓу Израел и Хезболах, поддржан од Иран, се клучна пречка за договор, при што Техеран инсистира смртоносните израелски напади  да престанат.