Апликациja „Where are you“ за итни ситуации и функција „Silent Call“ за жртви на семејно насилство, најави директорот на Центарот за управување со кризи (ЦУК), Мухамет Али од Тиват, каде учествува на Регионалната конференција за системите 112 и модерните технологии за управување си кризни ситуации.

„Наскоро граѓаните ќе ја имаат на располагање апликацијата „Where Are You“, која ќе овозможи: прецизно испраќање на локацијата од местото на настанот, испраќање фотографии од местото на настанот, испраќање видеа од местото на настанот и директна видео-комуникација со Оперативниот Центар во итни ситуации“, изјави Али.

Дополнително, ќе биде достапна и функцијата „Silent Call“, која ќе им овозможи на жртвите на семејно насилство и на лицата кои се наоѓаат во опасност тивко и безбедно да побараат помош.

„Со воведувањето на овие нови функционалности продолжуваме да го модернизираме системот 112, обезбедувајќи поголема сигурност за граѓаните, попрецизно пренесување на информациите и поефикасна реакција на надлежните служби во итни ситуации“, посочи Али.