Со свечана манифестација пред собранието – Македонија одбележува 30 години независност. Во изминатите три децении – подеми и падови на политички и економски план, пред година и половина  стана 30-та членка на НАТО, со што се оствари еден од најважните стратешки приоритети, но земјата се уште чека пред портите на Европската Унија. Државниот врв – вечерва со порака дека имаме една заедничка држава и сите сме одговорни за нејзината перспектива, чија европска перспекитва е извесна.

Церемонијата почна со изведба на делото „Симфонија за филхармонија“ од композиторот Живоин Глишиќ. Следуваше дефиле. Здравствени работници, спортисти, пожарникари, припадници на полицијата и армијата, рудари, земјоделци, волонтери на Црвен крст, извидници, национални ансамбли и културно-уметнички друштва, продефилираа низ центарот на главниот град. Емотивни беа минувањата на рудниците, на кои државниот врв стоечки им аплаудираше, како и на полицијата и војската.

По инторнирањето на македонската химна, како и химната на ЕУ, следуваа говорите од претседателот Пендаровски, собранискиот спикер Џафери и премиерот Заев.

Церемонијата заврши со огномет и менување на боите на Собранието.