Ѕвездана Ангеловска-лауреат на Фестивалот за камерен театар Ристо Шишков. Жирито едногласно одлучи дека играта на Ангеловска е маестрална рекострукција на нашето современие. Според образложението, таа имала современ и беспрекорно точен перформанс.

Актерката на МНТ Ѕвездана Ангеловска за улогата ТАА  ја доби наградата „Ристо Шишков“ на 29-тото издание на Фестивалот на камерен театар. Тричленото жири едногласно одлучи дека Ангеловска треба да го понесе престижното признание, со што таа по вторпат ја добива оваа награда. Во телефонската изјава рече дека е изненадена и не ја очекувала.

Во образложението за наградата жирито наведува дека преку играта на Ангеловска се реконструира пошироката слика во општеството од социјален, идеолошки и религиозен карактер.

Наградата се состои во златен медалјон со ликот на Шишков и парична награда во висина од 1500 евра.

Сузана Мицева