Претседателот на синдикалната организација во најголемиот земјоделски комбинат „Пелагонија“од Битола, Менде Милевски,  обвинува дека поради полтички причини е отстранет од работното  место.

Тој вели дека и покрај имунитетот што го поседува како прв синдикалец пуштен е дома на половина плата.

Како причина за ваквата одлука  се  наведува тоа што агитирал кај вработените да гласаат на изборите за една политичка партија.

Христовски категорично демантира и тврди спротивно,  дека еден од сопствениците на комбинатот барал од него да агитира за другата опција

-Ми рече турнете ја оваа Влада ако сакате да има К15,  по што следи оваа одлука во која е наведено дека политички сум дејствувал врз вработените, сум ги наведувал да гласаат за една политичка партија. Остранет сум поради политичко делување и сум растурал пропаганден материјал. Тоа не е вистина, вели Менде Милевски, претседател на Синдикатот  во ЗК Пелагонија.

Раководството на комбинатот пак вели дека првиот синдикалец спроведува лични интереси, а целта е да се дестабилизира комбинатот откако е направена консолидација и навреме се исплаќаат сите плати.

-Политика нема, туку тој со неговото однесување ја злаоупотребува функцијата претседател на Синдикатот и затоа одборот на директори ќе одлучи за неговиот статус во фирмата. Мора да има ред и дисциплина и не може кој како сака да се однесува, Драги Петровски, директор во ЗК Пелагонија

Синдикатот  денеска уште еднаш побара да биде исплатен  К15 за 2019 година, а од раководството на ЗК Пелагонија велат дека очекуваат прилив на средства, по што регресот ќе биде исплатен наскоро.

Емилија Мисирлиевски