„Tоплификација“ оди во рацете на „Адора“ на Ванчо Чифлиганец. Собранието на доверители ја прифати понудата од 9,3 милиони евра со ДДВ за Топланите Исток и Запад, Управната зграда и други имот од стечајната маса кој пред лицитацијата беше проценет на 17,7 милиони евра.

Собранието на доверители ја прифати понудата на Адора од 7,5 милиони евра плус ДДВ. Сега судот ќе донесе решение и компанијата во рок од 8 денови треба да ја уплати понудената сума, по што ќе го преземе имотот, изјави за Телма Богољуб Макревски, стечаен управник на Топлификација.

Од Адора вчера, пред одлуката на Собранието излегоа со соопштение. Чифлиганец вели дека идејата била овој бизнис да биде во домашни раце и дека така Адора ќе биде прва компанија до сега што реално платила за овој бизнис

Ние денес, за прв пат од кога постојат, плаќаме 9,3 милиони евра за истите. За Адора износот на оваа инвестиција не е воопшто занемарувачки, односно успешноста или неуспешноста на истата може да биде од егзестинцијален карактер за компанијата, соопшти Адора.

Здружението на акционери од Топлификација претходно  реагираа дека имотот бил проценет на 31 милион евра, плус долгот од ТЕ-ТО од 28 милиони евра за кој има правосилна одлука на Врховен суд. Најавија дека правдата ќе ја бараат и надвор од државата.

Од Регулаторна беа децидни дека оваа грејна сезона нема да има никакви промени во цената и снабдувањето со топлинска енергија за скопјани.

Александра Филиповска