Максим Димитриевски при гласањето порача: Кумановци нека одлучат за иднината во Куманово, граѓаните самостојно да одлучат.

Димитриевски е независен кандидат и сега за мандат во Куманово се бори со доскорешната своја партија СДСМ која го кандидираше Оливер Илиевски.

Изборите во Куманово се меѓу најинтересните, а во првиот круг разликата меѓу Димитриевски и Илиевски беше само 22 гласа.

„Го остварив своето право и гласав. Кумановци нека одлучат за иднината на Куманово! Посакувам демократски избори и можност граѓаните самостојно да одлучат“, рече Димитриевски, кој е актуелен градоначалник на Куманово и се бори како независен, откако првиот мандат го обезбеди со СДСМ.