Капитенот на Ливерпул, Џордан Хендерсон е прогласен за најдобар фудбалер во Премиерлигата за оваа сезона 2019/2020 од Асоцијацијата на фудбалски новинари. Англичанецот беше еден од најстандардните фудбалери на „црвените“ во нивниот поход кон првата титула во ерата на Премиерлигата.

Хендерсон до најстарата индивидуална награда во Англија ги победи Кевин де Брајне од Манчестер сити, Маркус Рашфорд од Манчестер јунајтед, како и тимските колеги Вирџил ван Дајк и Садио Мане. Гласови добија и Трент-Александер Арнолд и Алисон Бекер исто така од Ливерпул.

Фудбалерот им се заблагодари на своите соиграчи и го подели признанието со нив. Оваа награда за „Фубалер на годината“ од спортските новинари во Англија се доделува уште од 1948 година, а прв добитник беше сер Стенли Метјуз.