Бројот на нови случаи на ковид-19 во Струмица почна да се зголемува. Активни се околу 120 случаи на територијата на струмичкиот регион. Во меѓувреме, расте интересот за вакцинација со трета доза. Граѓаните коишто доаѓаат во пунктот да ја примат третата доза од вакцината, велат дека им е важно да се заштитат.

И додека интересот за трета доза се зголемува, мал е бројот на граѓани коишто примаат прва доза. Лекарите велат дека допрва ќе биде стресен и динамичен период, кога со заладувањето ќе почнат да се појавуваат и случаи на настинка и грип.

Во целиот Југоисточен регион има зголемување на бројот на новозаразени со ковид-19. Во Гевгелија, кој е еден од градовите со најголем број вакцинирани во моментов има деведесетина активни случаи. Епидемиолозите велат дека на удар е малдата популација ученици кои не се вакцинирани.

Сузана Мицева