Куќата во која живее Мијалков, и каде го бараа полицајци пред да исчезне и да го нема 40 часа, е сопственост на фирмата Ексико, која е дел од мрежата фирми опфатена со истрагата Империја.

По укинување на притворот, Мијалков ќе треба да се врати во оваа куќа на Водно иако Ексико е под истрага која е пред крај, а таа фирма веќе не е финансиски активна

Во околината, на Водно, нема ниту еден објект кој е сопственост на Мијалкови, иако има многу имоти за кои постои сомнеж за прикриено сопствеништво на поранешниот директор на УБК.

Во емисијата КОД од февруари 2021 беша направена реконструкција на „бегството“, се истражува кои се луѓето кои навестиле бегство на Мијалков, меѓу нив, била и трансакција со која хотел на Водно неколку дена пред завршните зборови во процесот Тврдина Таргет ја сменил сопственоста и бил купен од фирма на синот на Мијалков, за 5 пати пониска цена од проценетата.