Дваесеттина нуркачи од клубот за подводни дејности „Охрид“ од Охрид, засилени со колеги од нуркачкиот клуб „Пена“ од Тетово,  поставија новогодишна елка во бистрите води на изворите на Дрим.

Нуркачите на овој начин ги упатија своите новогодишни честитки до децата со ретки болести.

– За оваа категорија на дечиња потребна е поголема достапност на терапијата, која значи живот за нив, но и одобрување на и нови терапии, порачаа нуркачите.

Клубот за подводни дејности „Охрид“ во кој членуваат нуркачи од сите генерации, функционира повеќе од три децении.