Полицијата во Лос Анџелес, Калифорнија извлекла пилот од мал авион „Цесна“ што се урна на пруга неколку секунди пред возот да удри во авионот,

Драматичното видео во сопственост на Ројтерс покажува како неколку полицајци ослободуваат маж од паднат авион, кој се урнал набргу по полетувањето во областа Пакоима, објавија локалните медиуми.

Полицијата и пилотот биле на само неколку метри од пругата кога воз што поминувал го уништил авионот.

Foothill Division Officers displayed heroism and quick action by saving the life of a pilot who made an emergency landing on the railroad tracks at San Fernando Rd. and Osborne St., just before an oncoming train collided with the aircraft. pic.twitter.com/DDxtGGIIMo

— LAPD HQ (@LAPDHQ) January 10, 2022

„Авионот не успеа да полета и слета на железничка пруга на сообраќајна раскрсница“, рече Луис Хименез кој го снимил видеото.

Пилотот се здобил со исеченици и модринки, но тој е во стабилна состојба. Во возот нема повредени, јавуваат локалните медиуми.

На видеото објавено од полициската управа во Лос Анџелес на Твитер се гледа како полицијата го извлекува пилотот од авионот.

Одделот на полицијата ги пофали своите вработени и преку Твитер објави дека „покажале херојство и брза акција спасувајќи го животот на пилотот кој бил принуден да слета на железницата“.