Жителите на северниот кинески град Tианџин ќе бидат подложени на втор круг тестови за коронавирус. По вторпат ќе бидат тестирани за Ковид-19 сите 14 милиони жители на метрополата, по налог на локалните власти.

Мерката е потребна откако првите тестови, кои започнаа во неделата, открија 97 случаи на инфекција со сојот Омикрон.

Во очекување на резултатите од новите тестови, жителите на градот се повикани да останат дома.

Тијанџин е само околу еден час од Пекинг, кој е домаќин на Зимските олимписки игри, кои започнуваат на 4 февруари.