Минатата година во земјава се направени девет експлантации од починат донор и притоа 16 пациенти добија бубрези, петмина срце и кај осум пациенти беа трансплантирани коскени ткива, соопшти Универзитетската клиника за ортопедски болести.

На осум пациенти, од кои четворица со малигна болест им е трансплантирано здраво коскено ткиво. Интервенциите кај сите осум пациентите кои добија коскено ткиво од починат донор, беа изведени на Клиниката за ортопедски болести. Пациентите во најголем дел се млади лица кои имаа сериозни здравствени проблеми кои влијаеа на квалитетот на нивниот живот. Националниот координатор за трансплантација, д-р Маја Мојсова уште еднаш го истакна значењето на органодонорството како предуслов за развојот на еден трансплантациски програм. Одлука на семејствата да се донираат органите значи не само хуманост и надеж за пациентите, туку и верба во здравствениот систем, вели д-р Мојсова.