Во изминатите 24 часа се регистрирани 1.861 нов случај на Ковид-19 од 5.446 тестови, оздравени се 7.273,  а починале 22 пациенти, најмладиот на 22 години. Пријавени се и уште пет починати лица, најмладиот на 39 години, со датум на смрт од 17 до 25 јануари, соопшти Министерството за здравство.

Половина од новите случаи се во Скопје – 908, Битола – 115, Кавадарци – 100, Куманово – 88, Тетово – 75, Прилеп – 69, Велес – 54, Струмица – 50, Гостивар – 45, Охрид – 41, Штип – 37, Гевгелија – 34, Неготино – 32, Свети Николе – 23, Кичево – 22, Струга и Ресен по 20, Радовиш – 18, Кочани и Крива Паланка по 16, Валандово – 15 новозаразени, Делчево – 11, Богданци – девет, Виница, Македонска Каменица, Демир Капија и Пехчево  по пет, Берово, Дебар и Македонски Брод по четири Пробиштип и Демир Хисар по тројца, Кратово и Крушево – по двајца и Дојран – еден нов случај.

Од вкупниот број позитивни, регистрирани се 242 реинфекции, од кои една е втора реинфекција.

Во текот на изминатите 24 часа регистрирани се 22 починати лица: девет од Скопје (68г, 73г, 77г, 81г, 82г, 84г, 84г, 86г и 87), по тројца починати од Кавадарци (69г, 78г и 88г) и  Битола (66г, 67г и 73г) и по едно починато лице од Демир Капија (73г), Куманово (86г), Неготино (87г), Прилеп (22г), Струга (76г), Струмица (73г) и Тетово (58г). Од пријавените лица, 21 се починати во болнички услови, а едно лице во домашни услови.

Согласно Регистарот на умрени лица со дијагноза КОВИД-19 од „Мој термин“, пријавени се пет починати лица, од двајца од Охрид и по едно од Скопје, Прилеп  и Гевгелија, на возраст од 39 до 90 години. Пријавените се починати во период од 17 до 25 јануари 2022. Од пријавените лица, три се починати во болнички услови, а две лица во домашни услови.