Шефот на дипломатијата Бујар Османи денеска пред собраниската комисија за надворешна политика треба да да ги презентира во писмена форма одговорите коишто Македонија во декември минатата година и ги достави на официјална Софија на нивниот т.н. план „5+1“.

Пратениците бараат потврда дали таквите одговори се совпаѓаат и се во рамките на усвоената Декларација од македонското Собрание со која се утврдени заедничките национални позиции.

Бугарската страна инсистира што и да се договорат двете држави да се ратификува во Собрание. Тоа го бараат и нашите луѓе од овде, опозиција па ќе се оди во Собрание, рече Османи во гостување на Утрински брифинг.