Македонската фудбалска легенда Горан Пандев изненадувачки ја напушти Џенова и вториот дел од сезоната ќе го игра во редовите на второлигашот Парма.

Клубот од „Енио Тардини“ ја потврди веста, па нашиот голгетер ќе  биде соиграч со еден од најголемите голмани на сите времиња Џанлуиџи Буфон.

Пандев беше дел од Џенова шест ипол години, а претходно играше за Галатасарај, Наполи, Интер, Лацио, Анкона, Специја и Беласица во македонското првенство.

Сезонава 38-годишниот напаѓач нема постигнато гол во Серија А на 20 натпревари на кои најчесто влегуваше од клупата за резервни играчи.