Владата е стабилна, исто како и односите со ДУИ, тврдат од СДСМ, откако вчера Ахмети на фејсбук објави видео компилација од прес конференции на СДСМ  и на ВМРО-ДПМНЕ, во кои двете партии ги обвинуваат Интегративците за криминал и корупција.

Не сакаат да ја коментираат неговата најава за нова стратегија и обвинувањата дека двете партии со години се обидуваат да им нанесат штета на ДУИ.

Опозициската ВМРО-ДПМНЕ му одговори на Ахмети со ново обвинување.

На ова реагираа од ДУИ, дека ВМРО ДПМНЕ се против Албанци на чело на државните институции и дека им пречи стратешката определба на ДУИ за градење добрососедски односи со земјите од регионот.

Ахмети обвини и дека, СДСМ и ВМРО ДПМНЕ се обидуваат да ги  користат ДУИ за остварување на нивни цели и во секојдневните партиски политики.

Најави нова стратегија на партијата но, аналитичарите сметаат дека се работи за нешто сосема друго.

Цел на Ахмети, вели Незири, е да се наметне како трет политички центар на моќ во државата, после СДСМ и ВМРО ДПМНЕ, откако ДУИ во неколку наврати се покажаа како одлучувачки фактор за тоа, кој ќе формира влада.

Идејата, вели, му е да ја избрише етничката линија која ја дели политичката сцена на два етнички кампуса во кои се натпреваруваат по две партии. Односно, да се реформира и да стане трета политичка сила на една единствена сцена во државата, неподелена по етничка основа.

Далиборка Демјанска Цветановска