Еден од најдобрите играчи во историјата на НФЛ-лигата, Том Брејди денеска и официјално објави дека се повлекува од спортот. Квотербекот имаше неверојатна кариера што траеше цели од 22 сезони.

Тој денеска се огласи преку социјалните мрежи и потврди дека повеќе не може целосно да се посвети на американскиот фудбал. Со 44 години и 22 сезони, време е да го остави спортот на помладите.

Брејди веројатно ќе биде запаметен како еден од најдобрите играчи во историјата на НФЛ-лигата. Тој во 20-те сезони минати во дресот на Њу Ингланд пејтриотс, кои го драфтуваа како 199-ти пик, освои шест шампионски прстени, а последниот го освои во дресот на Тампа Беј Букенерс минатата сезона. Откако оваа сезона не успеа да стигне до Супербоул натпреварот со тимот од Флорида, реши да стави крај на богатата кариера.

Пет пати беше прогласуван за МВП на Супербоул натпреварите, а три пати во регуларниот дел од сезоната.