Апелацискиот суд ги прифати гаранциите на Драги Рашковски и Трајко Вељановски и им ги укина мерките куќен притвор. Двајцата понудија имот вреден вкупно нешто над 400 илјади евра како гаранција дека нема да побегнат и ќе бидат достапни на судските органи. Според одлуките кои Аплеација ги донесе во ист ден, вчера, двајцата треба да се јавуваат во Кривичниот суд секој прв понеделник во месецот и одземени им се пасошите.

Во одлуката на Аплеација која се однесува на обвинетиот за злоупотреба на службената положба и перење пари, Драги Рашковски, стои дека се прифаќа гаранција во недвижен имот во вредност од 192 илјади евра.

Станува збор за 2.089 квадрати земјоделство земјиште во Струмица, каде како и во скопско Побожје, како сопственици се јавуваат двете деца на Рашковски вредно 104 илјади евра, што укажува на можноста дека поседува дозвола за градба на парцелата. Под хипотека е ставен и станот од 83 квадрати во Скопје, каде Рашковски живее со семејството а кој е проценет на 88 илјади евра.

Како образложение на одлуката за укинување на куќен притвор стои дека станува збор за семеен човек а  понудената гаранција пртетставува доволен и реален износ.

Трајко Вељаноски пак ја понудил семејната куќа во Ѓорче Петров како гаранција дека нема да бега. Куќата од 320 квадрати, заедно со гаража и дворно место од уште 247 квадрати е проценета на 209 илјади евра.

Ставот на Апелација наведен во образложението на одлуката е дека понудената гаранција е соодветна мерка за обезбедбнување на неговото присуство за успешно водење на постапката.

Судскиот процес против екс генсекот на Владата Драги Рашковски почна минатата недела, тој е првообвинет и се товари злоупотреба на службената положба и перење пари или со зборови на Обвинителството се вмешал во 4 јавни набавки околу техничката спецификација, давал хонорари на блиски луѓе и отплаќал кредити.

Околу имотот кој го поседува,а е на префрлен на неговите деца, кажа дека е купен со штедење

Понашениот собраниски спикер Трајко Вељаноски кој беше обвинет за терористичко загрозување на уставниот поредок и безбедноста како организатор на насилствата во Собранието од 27 април и во јули минатата година осуден на шест и пол години затвор чека уште една одлука од Апелација по жалба за изречената казна за која сеуште не е закажана јавна седница.

Огнен Чанчаревиќ