Јапонија денеска објави дека ќе испорача дел од увезениот течен природен гас (ЛНГ) во Европа, во време кога постои ризик да дојде до прекин на снабдувањето со руски гас во регионот поради тензиите со Украина.

Неколку танкери кои првично требаше да испорачаат гас во Јапонија веќе отпловија за Европа и се очекува да пристигнат овој месец, изјави јапонскиот министер за економија, трговија и индустрија Коичи Хагиуда, без да прецизира колкаво количество  гас ќе биде испорачан и продаден во Европа.

Во март се очекува да бидат испратени и други танкери.