Неуралинк, биотехнолошката фирма во сопственост на Илон Маск, призна дека убил осум мајмуни додека ја тестирал технологијата на мозочен чип.

Проектот за „мозочен чип“ на извршниот директор на Тесла и Спејс Икс, Илон Маск, Неуралинк, во порака објавена на својот официјален блог призна дека неговите истражувачи морале да еутаназираат 8 мајмуни „макаки“ за време на нивните експерименти.

„Како дел од оваа студија, 2 животни беа евтанизирани на закажаните датуми за да се соберат клучните хистолошки податоци, а 6 животни беа еутанизирани по медицински совет на ветеринарниот персонал во Универзитет Калифорнија Дејвис“, пишува во објавата.

Фирмата ја бранеше употребата на животни во студиите и ги негираше тврдењата дека ги изложува мајмуните на „екстремна болка“.

Од компанијата додаваат дека „сите нови медицински помагала и третмани“ мора да се тестираат на животни за тестирањето на луѓето да биде етички прифатливо.

Во исто време, компанијата тврдеше дека е посветена да работи со животните на најхуман и етички можен начин.