Двете свлечишта на најновиот автопат Штип-Миладиновци, кои се најголемите препреки за возачите засега  ќе се санираат делумно, од страна на ЈП Македонија пат. Но, според проценките на експертите од Градежниот факултет за овие свлечишта ќе треба поголема механизација, за да не дојде до уште поголемо свлечување на камења и земја на патот.

Додека се чека на санирањето на свлечиштата, за кои има бројни реакции од страна на граѓаните на овој автопат интензивно се градат двете патарини кај Кадрифаково и Преод. Се очекува да се пуштат кон крајот на март, а граѓаните наплатата ќе ја вршат електронски. Жителите од истокот и југоистокот на автопат од 46 километри ќе плаќаат патарини на три локации, а само во еден правец патувањето до Скопје ќе ги чини 160 денари. Првиот човек на ЈП за државни патишта најави дека се прават анализи за дали ќе има намалување на цената на патарините во земјава.

Во источниот регион останува уште доизградбата на експресниот пат Крупиште Кочани, на којшто интензивно се работи од страна на кинсеката компанија Синохидро.

Викторија Јованова