Францускиот ракометар Руди Сери од следната сезона ќе го носи дресот на Еурофарм Пелистер.

Се работи за 27-годишен лев бек, кој на битолчани им се приклучува од таборот на Сесон Рен. Претходно настапувал за Селештат Алкасе и Бидасоа. Сери ќе биде промовиран во македонскиот тим ова лето пред стартот на новата сезона.

Французинот е вкупно третото засилување за „пелистерци“, бидејќи клубот претходно ги договори и голманот Урбан Лесјак од Словенија и Тунижанецот Усама Хосни.