Во националниот парк Долина на смртта во Калифорнија измерена е температура која може да се смета за највисока некогаш измерена на планетата – 54,4 Целзиусови степени.

Овој потензијален рекорд во моментов го проверува американскиот Национален метеоролошки сервис.

Би-Би-Си пишува дека Америка ја зафатил топлотен талас кој пред се го погодил Западниот брег, а високите температури ќе продолжат и во текот на оваа недела.

Температура од 54,4 Целзиусови степени се измерени во неделата во Фарнес Крис во Долината на смртта. Пред ова рекордна температура беше измерена во 2013 и изнесуваше 54 степени.

Иако се случува на некои места на планетата да биде измерена и повисока температура, многу експерти сметаат дека се случила грешка. Историчарот Кирстофер Барт тврди дека температура од 55 степени измерена во Тунис 1931, како и други температури во Африка тие години, не се кредибилни.

Looking ahead to later this week and next weekend, dangerous heat is forecast to remain locked in across the southwestern United States. Meanwhile, comfortable high temperatures in the 70s and 80s will be found from the Midwest to Northeast. Autumn is only 36 days away! pic.twitter.com/y0OYASQAsX

— NWS Weather Prediction Center (@NWSWPC) August 16, 2020

Би-Би-Си пишува дека во моментов топлотниот бран во САД се движи од Аризона на југозапад до државата Вашингтон на северозапад. Се очува денеска и утре да се достигне врвот, пред да започне температурата да опаѓа при крајот на неделата. Сепак, жештината ќе трае следните десет дена.