Стотици Македонци отпатуваа во Палермо да ја бодрат македонската репрезентација во дуелот со Италија.

Меѓу нив во прв ред камерите ги забележаа министерот за правда Никола Тупанчески, обвинителката Фатиме Фетаи како и претседателот на Основен суд – Кавадарци д-р Лазар Нанев.

По победата на македонската репрезентација, честитки упатија голем број политичари меѓу кои и претседателот на државата Стево Пендаровски и премиерот Димитар Ковачевски.

Ковачевски кој е на вонреден самит на НАТО во Брисел, натпреварот го следеше заедно со министерот за надворешни работи Бујар Османи и со вицепремиерот Бојан Маричиќ.