По пауза од скоро шест месеци утре во Велика Британија ќе се одржи гала боксерска вечер во која главен меч е дуелот меѓу Дилијан Вајт и Александар Поветкин.

На денешното мерење Вајт има 117 килограми што е за пет помалку во однос на неговиот рекорд од последниот настап против Мариуш Вах во декември минатата година.

Поветкин исто така е полесен за 2 килограми во однос на последниот настап во рингот кога се соочи со Мајкл Хантер.

Мечот за титулата во тешка категорија во верзијата на Светскиот боксерски совет требаше да се одржи на втори мај, но беше одложена поради епидемијата со Ковид 19.

Дуелот меѓу Вајт и Поветкин почнува во 22 часот и ќе се одржи во Брентвуд.