Украинскиот претседател Володимир Зеленски објави дека 156 лица пристигнале во Запорожје откако биле спасени од фабриката за челик Азовстал во Мариупол.

Зборувајќи во своето ноќно обраќање, тој рече: „Конечно го добивме резултатот, првиот резултат од нашата операција за евакуација со Азовстал во Мариупол, која ја организиравме долго време. Беа потребни многу труд, долги преговори и разни посредувања“, дополни Зеленски.

Тој додаде дека евакуираните поминале повеќе од два месеци во засолништа.

„Замислете, на пример, едно дете има шест месеци, од кои два помина под земја криејќи се од бомби и гранатирање“, додаде тој.

„Конечно, овие луѓе се целосно безбедни. Ќе добијат помош“, рече тој.