Поглаварот на МПЦ, архиепископот Стефан во интервју за грчкиот весник „„То Вима“ вели дека Охридската архиепископија ќе го почитува канонскиот поредок на православната црква и ќе бара томос за автокефалност од Вселенската патријаршија, затоа што таа е единствената црква, која по традициите и каноните, издава таков документ.
Архиепископот очекува дека тој томос од вселенската патријаршија ќе го прифатат сите помесни православни цркви.
Во интервјуто тој вели и дека целта на МПЦ не е да има експресни решенија што ќе ја постават црквата на половина пат помеѓу, туку вистинска автокефалност, призната од сите.