Секој кој ќе потроши над 420 киловат часови во висока тарифа ќе плаќа 6 отсто повисока сметка за струја. Ова е предлог тарифникот за потрошувачката на струја за кој во моментов јавно се расправа.

Планот е да има 4 тарифи, а се разгледува и опцијата и кај оние што трошат индустриска струја и за улично осветлување да се воведе ноќна тарифа.

Во тек е јавна дебата за новиот тарифник за струја, според кој поголемите потрошувачи ќе плаќаат поскапа струја. Дебатата се одржува во Регулаторната комисија за енергетика и ја води првиот човек Марко Бислимовски, а првиот предлог е на професорот Рубин Талески.