Предметот за првата кривична пресуда  во текстилната индустрија наместо да стане  пракса е пораз на македонското судството, порача на денешната прес-конференција Кристина Ампева од Гласен Текстилец. Голготата на текстилна работничка од Делчево продолжува, бидејќи предметот за кршење на Законот за работни односи и фалсификување потпис во делчевска текстилна фабрика, штипска Апелација го врати на повторно судење. Ампева појаснува дека Основниот суд во Делчево во март годинва  констатираше дека управителката на текстилната компанија не го почитувала Законот бидејќи работничката добила отказ од деловни причини, но не и отпремнина, а во име на правното лице директорката направила и лажен договор за вработување.

Ампева појаснува дека работничката користела мерки во време на корона пандемијата. За тоа има и писмен доказ. Работничката за време на корона мерките ги чувала своите деца, но како што вели Ампева  без нејзино знаење била префрлена од една  во друга текстилна компанија, па  од неопределено без нејзин потпис се трансферирал во определено, по што останала без работа. Ампева од Гласен Текстилец смета и дека ваквите пресуди, високите судски трошоци ги демотивираат работници да ја бараат правда на суд, па најчесто се одлучуваат да заминат од државата.

Викторија Димитрова Јованова