Претседателот на САД, Доналд Трамп е номиниран за Нобелова награда за мир за 2021 година.
„Дејли Меил“ информира дека Трамп бил номиниран само неколку недели откако посредувал во постигнувањето договор меѓу Израел и Обединетите Арапски Емирати.

Трамп го номинирал норвешкиот пратеник Кристијан Тибринг-Гједе, кој го пофали американскиот претседател за неговите напори во решавање на конфликтите во светот.

Тибринг-Гједе, кој е и претседател на норвешката делегација во Парламентарното собрание на НАТО, рече дека администрацијата на Трамп имала клучна улога во воспоставувањето односи меѓу ОАЕ и Израел. „Овој договор може да биде превртница која Блискиот исток ќе го претвори во регион на соработка и просперитет“, пишува во писмото Гједе, кој го фали Трамп и за повлекувањето на голем број американски војници од Блискиот исток. Според него актуелниот американски претседател ја прекинал 39-годишната серија на американски претседатели, кои или започнале војна или САД го довеле во меѓународен вооружен судир.

Предходникот на Трамп, Барак Обама доби Нобелова награда во 2009-та година, предходно Теодор Рузвелт во 1906, Вудру Вилсон во 1920 и Џими Картер во 2002. Добитникот на наградата за 2021 ќе биде објавен во октомври идната година.