Училишатата и општините на мака со високите сметки за струја. Градоначалниците од полошкиот регион за да се справат со енергетската криза но и со неколкукратно зголемените сметки за струја денеска побараа он лајн настава за учениците во основните и средни училишта, или зимскиот распуст да трае два месеца.
Штипскиот градоначалник, Иван Јорданов вели Сметките за струја и нафта во грејната сезона ќе ги блокираат сметките на училиштата. Бидејќи цените постојано одат нагоре реално е трошоците да ја надминат и висината на блок дотациите што општините ги добиваат од Министерството за образование. Според него поради ова може и наставниците да бидат оставени и без плата. Иницијативата е училиштата, но и комуналните претпријатија да плаќаат струја како домаќинствата и градинките. Предлозите се доставени од страна на ЗЕЛС до Министерството за финансии и Влада, но засега немаат одговор.
Од Министерството за образование и наука за Телма велат дека нивниот ставот е училиштата да бидат постојано отворени за време на учебната година и наставата да се организира со физичко присуство, бидејќи тоа е од најдобар интерес на учениците.
- Сепак, МОН ќе ја следи состојбата и во меѓувреме ќе се разгледуваат сите пристигнати иницијативи и за било какви нови одлуки, јавноста навремено ќе биде известена, се вели во одговорот на МОН доставен до Телма.
Од министерството посочуваат дека во моментов важат препорките и мерките за штедење на струјата, кои неодамна ги објави Владата.
Викторија Јованова
