Независните се надеваат дека Уставниот суд ќе донесе одлука за поништување на, според нив, штетните измени во изборниот законик за кои велат дека се донесе нетранспарентно и по брза постапка, без јавна расправа.

Повисокиот праг за поднесување независни листи на изборите ги подели уставните судии. Додека Уставниот суд се двоуми дали да ја оценува неговата уставност, актуелните советници од независните листи на граѓани пред предизвик – дали на претстојните локални избори новиот праг ќе ги избрише од политичкото милје или ќе мора да се трансформираат во политички партии за да обезбедат учество на изборите.