По суспендирањето на руските клубови и националниот тим, Европската фудбалска асоцијација донесе далеку поблага мерка за Белорусија која останува дел од натпреварувањата во организација на УЕФА.

Европската фудбалска федерација реши да не ја исклучи Белорусија од натпреваувањата во нејзина организација, но донесе одлука националниот тим и клубовите да бидат домаќини на неутрален терен, а на мечевите да не биде дозволено присуство на гледачи. Белорусија нема свои претставници во завршницата од клупските натпреваувања, а првите настапи репрезентацијата ги има во Лигата на нации, а противници и се селекциите на Словачка, Азербејџан и Казахстан или Молдавија.