Челниците на Бундеслигата ја разгледуваат можноста новата сезона да почне да 18 септември. Датумот се уште не е дефиниран и се бара начин како календарот на натпреварувањето да се координира пред се со завршувањето на Лигата на шампионите и Лига Европа, но и со мечевите на националниот тим.

Дополнителен проблем во изработката на календарот е и фактот дека следното лето на програмата е Европското првенство чиј почеток е закажан за 11 јуни и мора да се внимава на периодот во кој на играчите ќе им даде малку одмор пред обврските во националниот тим.

Дополнително ќе се разгледува и опцијата за дозвола на присуство на гледачи на трибините, но за тоа треба посебна дозвола од здравствените власти, а оваа одлука ќе зависи пред се од епидемиолошката состојба во земјата.