Во домашниот ракометен шампионат денеска се одиграа три средби. Вториот состав на Еурофарм Пелистер беше пресилен за Металург, кој допатува само десет ракометари на дуелот во Битола забележа убедлива победа од 39:23.

Бранителот на титулата Вардар на чија клупа место Веселин Вујовиќ седеа Владо Недановски и Стојан Петрушевски славеше со 33:26 во соочувањето со Охрид додека во последниот натпревар од денешната програма Прилеп го совлада Пролет со 27:24.

Вчера првиот тим на Еурофарм Пелистер беше убедлив на гостувањето во Струга и забележа победа од 31:22 додека Тиквеш ги освои бодовите во мечот со Бутел совладувајќи го со 29:25.

Колото ќе се комплетира утре со мечот меѓу Скопје и Радовиш.