Во пресрет на утрешното гостување во Данска и мечот од Лигата на шампионите против Митјиланд, Ајакс соопшти дека на последното тестирање забележани се 11 позитивни резултати.

Клубот од Амстердам не ги соопшти имињата на фудбалерите, но медиумите во Холандија пишуваат дека меѓу позитивните се капитенот Душан Тадиќ, голманот Андре Онана и играчите од средниот ред Дејви Класен и Рајан Гравенберх.

Ајакс претпладнево отпатува за Данска, а на списокот на тренерот Ерик тен Хаг се наоѓаат само 17 фудбалери.