Веднаш по соопштувањето на одлуката на арбитражниот суд, реагираше Интернационалниот олимписки комитет кој соопшти дека доколку Валиева во поединечна конкуренција успее да се најде меѓу трите најдобри таа сепак нема да добие трофеј, а Русија се уште ќе остане без медал во екипна конкуренција се додека не се добие конечен расплет околу сомнителните резултати од допинг тестот.

Во соопштението се наведува дека за Валиева во моментов важат посебни правила за евентуални санкции според кои спортистите помлади од 16 години ќе бидат суспендирани на две години со бришење на сите резултати постигнати во периодот од 25 декември до седми февруари.